SEASON 2: THE SHADOW WAR (දෙවන අදියර: සෙවනැලි යුද්ධය) අනුපිළිවෙල: EPISODE 21 - "THE BLOOD MOON" (ලේ සඳ)

 SEASON 2: THE SHADOW WAR (දෙවන අදියර: සෙවනැලි යුද්ධය)

අනුපිළිවෙල: EPISODE 21 - "THE BLOOD MOON" (ලේ සඳ)

ස්ථානය: ලූනා කොලනි - මුඩුක්කු ප්‍රදේශය (Sector 7)

වේලාව: පෘථිවි වේලාවෙන් උදෑසන 10:15

**දිවියා (Diviya)** හුළඟක් වගේ වේගයෙන් ගොඩනැගිලි අතරින් දිව ගියේය. ඔහුගේ වේගය නිසා අසුර සෙබළුන්ට පෙනුණේ කහ පාට එළි ඉරක් පමනි.

"මාව අල්ලන්නම බෑ නේද?"

දිවියා ලිස්සා ගොස්, තමන්ගේ **ලේසර් නියපොතු (Laser Claws)** වලින් අසුරයන් දෙදෙනෙක්ගේ කකුල් කපා දැමුවේය.

එතනම තිබුණු පරණ බංකරයක් ළඟ **කිරා (Kira)** සහ ඇගේ කණ්ඩායම කොටු වී සිටියහ. යෝධ අසුරයෙක් (Asura Brute) යකඩ පොල්ලක් අරගෙන කිරාගේ ඔළුවට ගහන්න හැදුවා. කිරාගේ රොබෝ අතේ බැටරිය බැහැලා, ඇයට ඒක නවත්තගන්න හයියක් නෑ.

"ඉවරයි!" කිරා ඇස් පියාගත්තා.

**ෂ්... ටාං!**

යකඩ පොල්ල කිරාගේ මූණේ වදින්න අඟලක් තියෙද්දී නතර වුණා.

කිරා ඇස් ඇරලා බැලුවා.

දිවියා තමන්ගේ ලේසර් නියපොතු දෙක හරහට දාලා (Cross Block), අර යෝධ පොල්ල නවත්තගෙන ඉන්නවා. පොළොව දෙදරලා දිවියාගේ කකුල් පොළොව ඇතුළට බැස්සා.

"සමාවෙන්න පරක්කු වුණාට," දිවියා දත්මිටි කාගෙන හිනා වුණා. "ට්‍රැෆික් පොඩ්ඩක් වැඩි වුණා."

දිවියා එකපාරටම නියපොතු වලින් අසුරයාගේ පපුවට පහරක් ගැසුවා. අසුරයා පස්සට විසි වුණා.

"උඹ?" කිරා පුදුමෙන් බලාගෙන හිටියා. "මම කිව්වා නේද එයාලා එක්ක යන්න කියලා!"

"ඔව්... ඒත් මම අකීකරු කොල්ලෙක්," දිවියා කිරාව නැගිට්ටෙව්වා. "අපි දෙන්නා එකතුවෙලා මේ ඒරියා එක ක්ලියර් කරමු."

කිරා හිනා වුණා. ඇය බිම තිබුණු ප්ලාස්මා තුවක්කුවක් අතට ගත්තා.

"හරි. උඹ වමෙන් යමන්. මම දකුණෙන් කවර් කරන්නම්. මැරෙන්න එහෙම එපා කොල්ලෝ!"

---

*මේ අතර, ගෝල්ඩන් ස්පයර් (Golden Spire) පිවිසුම අසල...*

යකා (Yaka), ටස්කර් (Tusker), ස්පෙක්ට්‍රා (Spectra) සහ නාග (Naga) ඉදිරියට යමින් සිටියහ. නමුත් පාර ලේසි වුණේ නම් නෑ.

ස්පයර් එක වටේට අසුරයන් ආරක්ෂක වළල්ලක් (Barricade) දාලා තිබුණා.

"YAKA-OS, ඉස්සරහ ස්කෑන් කරපන්," යකා කඩුව ලෑස්ති කරගත්තා.

**[ස්කෑන් කරමින්... ඉදිරියේ සතුරන් 50යි. ස්නයිපර්ලා 4යි. බර අවි 2යි. ඔයාට පිස්සුද මෙයාලා එක්ක හැප්පෙන්න? මම කියන්නේ අපි ආපහු හැරෙමු.]**

"කට වහගෙන දුර්වලම තැන කියපන්," යකා අණ දුන්නා.

**[හරි හරි, කේන්ති ගන්න එපා. වම් පැත්තේ තියෙන බිත්තිය දුර්වලයි. ටස්කර්ට පුළුවන් නම් ඒක කඩන්න, අපිට උන්ගේ පිටිපස්සට යන්න පුළුවන්.]**

"ටස්කර්! වම් පැත්තේ බිත්තිය!"

ටස්කර් (Tusker) ගොඩනැගිල්ලක් අස්සෙන් දුවගෙන ගිහින්, තමන්ගේ මුළු වෙර දාලා මිටියෙන් බිත්තියට ගැසුවා.

**ඩෝං!**

බිත්තිය කඩාගෙන ඔවුන් සතුරන්ගේ පිටුපසට පැන්නා. ස්පෙක්ට්‍රා (Spectra) එක දිගට ඊතල විදලා ස්නයිපර්ලාව බිම දැම්මා.

නමුත් එකපාරටම ඔවුන්ට ලොකු ප්‍රශ්නයක් ආවා.

අසුරයන් පාවිච්චි කළේ ගිනි අවි විතරක් නෙවෙයි. ඔවුන් එකපාරටම **'ගිනි දැල් විදින' (Flamethrowers)** පාවිච්චි කරන්න ගත්තා.

මුළු පාරම ගිනි ගත්තා. යකාට සහ ටස්කර්ට ඉස්සරහට යන්න බෑ.

"රස්නෙයි!" ටස්කර් පස්සට පැන්නා. "මගේ සිස්ටම් රත් වෙනවා!"

"නාග!" යකා කෑගැසුවා. "අපිට වතුර ඕනේ! මේ ගින්න නිවන්න!"

නාග (Naga) වටපිට බැලුවා. මෙතන වතුර නෑ. තෙල් බැරල් එකත් ඉවරයි.

"කමාන්ඩර්... වතුර නෑ!"

එතකොටම නාග දැක්කා පාර අයිනේ තිබුණු ලොකු කාණුවක්. ඒකේ ගලාගෙන ගියේ මුඩුක්කු වල අපද්‍රව්‍ය (Sewage). ගඳයි, කළු පාටයි.

නාගගේ මූණ ඇඹුල් වුණා.

"අපරාදේ... මට මේ ජරා වතුරද පාවිච්චි කරන්න වෙන්නේ?"

"මැරෙන්න ඕනේ නැත්නම් ඕන මළ ජරාවක් පාවිච්චි කරපන්!" යකා කෑගැසුවා.

නාග හුස්ම තද කරගත්තා. ඔහු අත් දෙකම කාණුව දිහාවට දිගු කළා.

**"හයිඩ්‍රෝ බ්ලාස්ට්!"**

කාණුවෙන් මතු වුණේ යෝධ කළු වතුර කන්දක්. නාග ඒ ජරා වතුර ටික (Sewage Tsunami) අරගෙන කෙලින්ම අසුරයන්ගේ ගිනි දැල් උඩට ගැසුවා.

වතුරයි ගින්නයි එකතු වෙලා ලොකු දුමාරයක් ආවා. ගින්න නිවුණා විතරක් නෙවෙයි, අසුරයෝ ටික ජරා වතුරෙන් නෑවා.

"ඊයා..." ස්පෙක්ට්‍රා නහය වහගත්තා. "නාග, යුද්ධේ දිනුවට පස්සේ උඹ මගේ ළඟට එන්න එපා."

"මොනවා කරන්නද," නාග උරහිස් ගැසුවා. "වැඩේ වුණානේ."

පාර පැහැදිලියි. ඔවුන් ගෝල්ඩන් ස්පයර් එකේ ප්‍රධාන දොරටුව ළඟට දිව්වා.

නමුත් දොරටුව ළඟ හිටියේ ඔවුන් බලාපොරොත්තු නොවුණු කෙනෙක්.

එතන හිටියේ අඩි 15ක් විතර උස, සම්පූර්ණයෙන්ම රත්රන් පාට සන්නාහයක් (Golden Armor) ඇඳගත්ත අසුරයෙක්. ඌ අතේ තිබුණේ විදුලි කසයක් (Energy Whip).

**"මම තමයි ස්පයර් එකේ ආරක්ෂකයා. නුඹලාට මෙතනින් එහාට යන්න අවසර නෑ."**

යකා ඉදිරියට ගියා.

**[YAKA-OS: අනතුරු ඇඟවීමයි. මේ සතුරාගේ බල මට්ටම (Power Level) සාමාන්‍ය අසුරයෙක්ට වඩා 50 ගුණයක් වැඩියි. ඔයාගේ කඩුවෙන් මූව කපන්න බෑ.]**

"එහෙනම් අපි අලුත් ක්‍රමයක් හොයාගමු," යකා ටස්කර් දිහා බැලුවා. "ටස්කර්, මට උඹේ උදව් ඕනේ. 'ෆාස්ට් බෝල්' (Fastball Special) එක මතකද?"

ටස්කර් හිනා වුණා.

"මතකයි කමාන්ඩර්. නගින්න මගේ අතට."

ටස්කර් තමන්ගේ අත් දෙක එකතු කරලා පඩියක් වගේ හැදුවා. යකා දුවගෙන ගිහින් ටස්කර්ගේ අත උඩට පැන්නා.

"යවපන්!"

ටස්කර් තමන්ගේ මුළු හයිය දාලා යකාව උඩට විසි කළා. යකා රොකට් එකක් වගේ ගිහින් අර රත්රන් අසුරයාගේ මූණටම පැන්නා.

**(මතු සම්බන්ධයි...)**